23
қаңтар
2024
Тәжірибелік семинар
Мақтаарал ауданының білім бөлімінің әдістемелік кабинетінің жылдық жоспарына сәйкес, 5 қаңтар күні Абылайхан атындағы жалпы білім беретін мектептің базасында бастауыш сынып педагогтеріне «Бастауыш білім беру жүйесінде білім сапасын арттыру» тақырыбында тәжірибелік семинар болып өтті.
Семинарда бөлім әдіскері Т.Қыдырбаева бағдарламамен таныстырып «Бастауыш білім беру жүйесінде білім сапасын арттыру» тақырыбында баяндама оқыды. «Белсенді әдіс-тәсілдер арқылы оқушылардың қызығушылығын арттыру» тақырыбында М.Ғабдуллин атындағы жалпы білім беретін мектептің бастауыш сынып мұғалімі А.Шамшиева шебер сынып өткізді. «Оқушылардың функционалдық сауаттылығын арттырудағы тиімді әдіс-тәсілдер» тақырыбында "№35 Болашақ жалпы білім беретін мектебі" бастауыш сынып мұғалімі Оринбекова Гульмира Ержановна өз тәжірибесімен бөлісті.
Семинар соңында бөлім әдіскері Г.Наржигитова ІІ тоқсанның білім сапасын талдап, қорытынды жасады. Семинардың ұстаздарға берері мол болды.